Senja Di Dua Hati

   apa itu jarak?
   apa itu waktu?
   apa itu bayangan semu?

   beta bataria tanya itu
   beta tau itu karas kaya batu
   tapi beta kikis deng katong pung senja di wai ipa

 iyo... senja seng haga: jarak,waktu, deng semu
 senja bisa kase batamu katong  dalam semesta kuning .......
 walaupun ose deng beta tapisa jau.

   id,kota gede/26/14.par ose di jazirah kie raha

Hidup Di Atas Para-Para

kalapa su tua
papa banai di matahari tua
pohon tinggi: banai seng baku riki
seng pikir luka di tangan deng kaki
seng pikir badan badaki

kumpul kalapa papa bala taru di para-para
kalapa merah, papa pung muka panas bamerah

para-para jadi rumah kalapa
para-para tampa istrahat papa
para-para punya banyak cerita

karna para-para katong bisa sampe di orang pung tanah
karna parah-para katong bisa menuntut ilmu
hei...jang sampe katong lupa para-para deng papa(3x)
koi ta matalin para-para do baba.....

*Sebuah puisi yang di tulis Irwan Sangadji,y/826/14.