“Banjir Refleksi for Torang

Banjir di    bulan januari

Papa deng mama anyor kasana-kamari

Adodo ee... opa deng oma balari-lari

Bacari ana cucu yang air so bawa lari

so tabawa arus, so ta tindis pohon kanari

Manado, Tomohon, deng minahasa so ancor

Dulu bersih sakarang   so jadi kotor

Lantaran banjir deng longsor,

Ade manis so tra ada kasor

Coba torang batanya pa hati yang paling dalam....

Mungkin, tuhan marah karna torang galojo pa alam

Mungkin, tuhan marah kalo manado jadi wisata malam

Mungkin, Tuhan marah di bunaken orang hanya pake calana dalam

Deng, mungkin tuhan marah kalo torang tara baku sapa deng salam

Coba no, torang merenung for tuhan semesta alam.....

   

Idra,  Selasa, 21 januari 2013, di yogyakarta.

*Puisi ini saya baca di acara solidaritas untuk korban banjir di manado, oleh Samudera Kata,@puisiindojgja, Toko buku “Toga Mas”, rabu (22/01/14), di yogyakarta*